Nagtaong-abiso sa publiko an Department of Information and Communications Technology manungod sa mga bagong bogus kan mga text scheme ngunyan na maabot na pasko.
Sigun ki Undersecretary for Infrastructure Management, Cybersecurity & Upskilling Jeffrey Ian Dy naggagamit nin bagong teknolohiya an mga nasambitan ng sindikato na pig-aapod soboot na ‘fake base station’ kun saen nai-intercept an messages na iyo man pinapadara pabweltada sa saindang istasyon asin sa sarong click o reply mo sana marekas na mape-peke an mga detalyes.
Madalas man soboot na magpamalo-malo an mga sindikato komo service provider siring kan food delivery, online bank accounts, telcos, asin e-wallet.
Dugang pa ni Dy marhay na magpasiring na sana mismo soboot sa saindong app provider tanganing salbado an pag-access kan mga information kaysa man o-click an mga nag-aarabot na text message.
Sigun pa man ki Dy na epektibo an SIM Card registration huli soboot labi 70% an nabawas na kaso kan cybercrime maski enot na man naireport kan Philippine National Police an paglangkaw kan kaso kan cybercrime sa nasyon.
Aminado an DICT, na dae kaini matampadan an mga equipment kan mga sindikato kaya abiso na sana kan mga otoridad sa publiko na dae mag-click nin anuman na link o dae pag-apudan an anumang cellphone number na pigtatao sa mensahe.
