Inako ni Interior Secretary Jonvic Remulla na nagtatago si Senador Ronald ‘Bato’ Dela Rosa sa Mindanao.
Sinabi kan opisyal na protektado siya nin sarong maimpluwensiyang grupo.
Nagpapadagos an saindang negosasyon sa grupong nagkukupkop saiya tanganing malikayan an ano man na madugong engkuwentro.
Idinugang pa kaini na posibleng umabot sa 10,000 katawo an magadan kun mangyari an engkuwentro sa pag-ultanan kan mga otoridad asin kan grupong nagkukupkop sa Senador.
Naenot nang sinabi ni Remulla na posibleng magresulta sa madugong engkuwentro kun piriton kan kapulisan na laogon an kota kan sinasabing pinagtataguan kan Senador, huli ta dati ining hepe kan Philippine National Police (PNP).
An Senador igwa nin warrant of arrest hale sa International Criminal Court huli sa Crime Against Humanity, huli sa saiyang pagigin hepe kan PNP durante kan administrasyon ni dating Presidente Rodrigo Duterte sa kampanya kaini kontra sa iligal na droga.
