NAGA CITY- Pigreklamo kan empleyado kan Department of Interior and Local Government (DILG) an sarong konsehal sa banwaan nin Libmanan, Camarines Sur makalihis na ipasupog suboot ini sa tahaw kan sesyon regular kan Sangguniang Bayan.
Sa nakuang impormasyon kan Bombo Radyo Naga, napag-araman na inimbitaran sa sesyon kan Sangguniang Bayan an biktimang si Nonilo Lopez, Local Government Operations Officers kan DILG.
Pighapot suboot ni Councilor Ariel Oriño si Lopez manungod sa isyu kan suspensyon sa saindang alkalde na si Mayor Bernard Brioso alagad nagkainitan an duwa.
Pig-apod suboot ni Oriño na incompetent asin inefficient si Lopez asin nagbutas pa nin makulog na tataramon na naging rason para mapasupog an opisyal.
Katakod kaini, tulos man na nagreklamo sa hepatura kan PNP-Libmanan an biktima.
