NAGA CITY- Nairehistro kan Department of Health Bicol an walong kaso kan firecracker-related injuries (FWRI) susog sa saindang data kasusudma, December 28, 2025.
Katakod kaini, an probinsiya kan Camarines Sur an igwang anom na kaso mantang an Albay asin Catanduanes an igwang pigsaro.Kadaklan sa mga nagsapo nin lugad mga lalaki na neg-eedad 7 hasta 50 taon.
Sigun sa DOH-Bicol an mga insidente an nangyari kan kan nakalihis na pasko.
An Kwitis an nangenot sa rason kan pagkalugad kan apat na indibidwal mantang an iba an gikan sa Piccolo, Five Star, Boga (improvised cannon) asin dae pa bistadong klase kan paputok.
Mayo man binawian nin buhay sa insidente asin saro sana an kinaipuhan na i-admit.
Mientrastantro, ngunyan na paaabuton naman an bagong taon, liwat na nangapudan an DOH-Bicol sa publiko na i-prayoridad an kasalbaduhan kan gabos asin likayan an paggamit kan mga ipinagbabawal na bulong.
Nagpatanid man an ahensiya na maglinig kan saindang kapalibutan asin likayan na magpurot kan mga dae nagputok na paputok sa tinampo.
Siringman tawan nin giya an mga kaakian ngunyan na pagsabat kan Bagong taon.
