Nag-aako ngunyan an Department of Health o DOH nin mga bagong miyembro para sa saindang Philippine Emergency Response Team.
Sigun ki Health Secretary Teodoro Herbosa na parte ini kan pagpapakusog kan kapasidad kan Health emergency response kan nasyon na masimbag sa pagtama kan manlaen-laen na darakulang kalamidad o sakuna siring kan linog asin bagyo.
Sinaysay ni Herbosa, lambang ospital sa nasyon an igwang mga trained personnel siring kan doctor, nurse, logistics, engineering asin iba pang specialties.
Sisay man sa mga ini an mawot magin parte kan composite team kan phil medical emergency response kan gobyerno, an welcome tanganing maisararom pa sa mas advanced na training sa disaster response asin makalaog komo world health organization verified o certified.
Kaibahan sa gigibuhon na pagsasanay sa ngunyan iyo an pig-aapod na type one level, o an out-patient and emergency care.
Pigbida man ni Herbosa na sa mga international agencies siring kan world health organization, united nations development program o UNDP, united nations childrens fund o UNICEF, puro Pilipino man an nagigin leader.
Boot sabihon an Pilipinas an nagsisirbing supplier kan matitibay na doktor, nurse asin staff na matitibay sa disaster risk reduction and management asin subok na talaga na dae maurong sa giyera.
