Nagpagirumdom an Department of Health (DOH) na peligruso an paggamit nin paputok, ligal man o iligal.
Ini an kasunod kan duwang magkasuhay na insidente kun saen duwang aki an nagsapo nin paso asin man naputulan nin mga muro makalihis na masabugan nin paputok.
Sigun sa DOH, naputol an hintuturo asin hinlalaki kan sarong 8 anyos na aki makalihis na masabugan kan whistle bomb.
Mientrastanto, duwang muro man an naputol sa sarong 16-anyos na aki makalihis na masabugan kan five star.
Advertisement
Liwat man na pinagirumduman kan DOH an publiko, orog na an mga magurang, na bantayan an mga aki asin iwasan an paggamit kan ano man na klase nin paputok tangani na maiwasan an matinding danyos.
Advertisement
