NAGA CITY- Nagpepreparar na an Department of Labor and Employment (DOLE) sa liwat na isasagibong job fair ngunyan na semana, kasabay kan Independence Day.
Sa nasambitan ng job fair, nakatalaan na itangro sa mga obrerong Pilipino an 31,000 job opportunities gikan sa labi 500 employers na makikiparte digde.
Apwera sa mga itatangro na trabaho, magkakaigwa nin skills demonstration para sa mga aplikante sa paagi kan Technical Education and Skills Development Authority(TESDA) asin an pagkundusir nin skills training.
Kaibahan man digde an one-stop-shop para sa mga government services na paparteseparan kan Bureau of Internal Revenue (BIR), National Bureau of Investigation (NBI), PhilHealth, Philippine National Police (PNP), Philippine Postal Corporation (PhilPost), Professional Regulation Commission (PRC), Social Security System (SSS), asin iba pa.
Mientrastanto, apwera sa Metro Manila, magsasagibo man an mga DOLE regional offices kan saindang kankya-kanyang job fair komo selebrasyon sa ika-126 na taong anibersaryo nin katalingkasan kan Pilipinas.
