Pighagad kan Department of Science and Technology na matawan nin pansin an saindang kamawotan na maisakatupadan na an Virology and Vaccine Institute kan Pilipinas.
Obheto kaya kan ahensiya na magkaigwa nin siring na institusyon na magpokus nin paghiling sa mga klase kan helang bako sana kan mga tawo kundi pati sa mga hayop asin halaman.
Sa sarong entrevista, ipigheras kan presenteng sekretaryo kan Department of Science and Technology (DOST) na si Secretary Renato Solidum, kun madadagos man an pagkatatag kaini an makakatabang sa preparasyon kan nasyon sa masunod na pandemya kun magkakaigwa liwat.
Piglalaoman man na makakadugang ini sa pagdakol kan saindang mga personaheng eksperto asin dalubhasa sa siyentipikong pag-aadal.
Mientrastanto, ipig-orgulyo man kan nasambitan ng ahensiya kan Agham asin Teknolihiya na padagos an saindang pigsasagibong pagtabang sa mga Pilipinong scientist na mapabweltada liwat sa nasyon.
Sigun ki Secretary Renato Solidum, igwang nasa 120 Filipino scientists an nasuportaran kan saindang programa na pagpapauli sa Pilipinas.
Dugang pa kan sekretaryo na kan Hulyo 2022 hasta katapusan soboot kan taong-2024 labi 120 an saindang naipabweltadang mga scientist kun saen an iba duman an permanent na.
Siring man mas natabangan soboot ini huli man ta natawan ini nin grant-in-aid funds tanganing makabakal nin laboratory, makapag-set up nin mga labs asin kadakol na ining technology na nade-develop tanganing makatabang.
