NAGA CITY– Arestado an 11 katao makalihis an ginibong operasyon kan mga otoridad sa sarong drug den sa syudad nin Naga.
Sa entrevista kan Bombo Radyo Naga ki PC/Supt. Melvin Buenafe, Regional Director kan Police Regional Office (PRO5), sinaysay kaini na haloy nang binabantayan kan mga otoridad an duwang harong na nagsisirbi soboot na drug den kan mga drug personalities sa nasambitan ng syudad.
Nadakop sa nasambitan ng operasyon an 11 katao na nagpa-pot session sa laog kan nasambitan ng harong mantang kadakol an nakadulag kan matanugan an operasyon kan mga otoridad.
Narekober kan mga pulis an 13 sachet kan pigtutubudang shabu asin mga drug paraphernalia.
Sigon ki Buenafe, dae pa soboot niya masierto kung pati an mga menor de edad na naabutan sa lugar an nakagamit naman nin iligal na droga.
Depensa ni Eufemia Ambulo, maysadiri kan naambitan ng harong, mayong siyang aram na ginigibo na palan na drug den an saiyang pigpaparentahan na harong alagad kan marisa soboot niya an mga kaduda-dudang bagay na nangyayari sa laog kaini, naghagad na siya nin tabang sa mga barangay officials.
Sa ngunian, nagtitinir na sa kustodiya kan mga otoridad an nasambitan ng mga suspek mantang pigpepreparar na an kasong isusunad kontra sa mga ini.
