NAGA CITY-Nagdestrebwer an Department of Social Welfare and Development (DSWD) nin food packs sa 465 na mga parasisira gikan sa baybayong barangay kan Bagasbas, Awitan, Mambalite, asin Gubat.
An inisyatibong ini an naisakatupadan sa irarom kan lokal na gobierno kan Daet, sa paagi kan Municipal Disaster Risk Reduction and Management Office (MDRRMO) asin Municipal Agriculture Office.
Obheto kan nasambitan pa na lakdang na tabangan an mga parasisira na paramientras na dae makapaglawod huli sa raot kan panahon asin padagos na pagbulos kan makusog na pag-uran.
Pinangenotan an distribusyon kan DSWD asin kan Municipal Social Welfare and Development (MSWD) office sa pamamayo ni Normanuel Ramirez Eboña, katabang an Municipal Agriculture Office na pinangenotan ni Dr. Reuben Naperi, Office of the Mayor asin an komitiba kan Agriculture na pinamamayuhan ni Luhay Urbano.
Pigpapahiling soboot kan lakdang na ini an dedikasyon kan lokal na gobiernosa pagsimbag asin pagtatao nin suporta sa mga apektadong namamanwaan sa panahon kan krisis.
Marurumduman, padagos na nakakaeskperyensiya nin pag-uran an Bicol Region kabali na an probinsiya kan Camarines Norte, Camarines Sur.
