NAGA CITY- Nagdestrebwer an Department of Social Welfare and Development (DSWD) Bicol nin nasa P100,000 na asistensiya sa mga pamilya asin indibidwal na apektado kan magkasuway na kasulo na nairehistro kan nakalihis na May 14 sa Rehiyon.
Sigun ki DSWD-5 Director Norman Laurio an mga pamilya na apektado an gikan sa probinsiya kan Sorsogon asin Camarines Sur.
Katakod digde, pigtawan asistensiya kan DSWD-Bicol an nasa walong pamilya o katampad kan nasa 50 indibidwal sa Del Gallego, Camarines Sur, na kinaipuhan man iibakwar para sa saindang kasalbaduhan.
An kada pamilya an nakareseber nin family food packs, hygiene kits, family kits, kitchen kits, sleeping kits, collapsible water containers, asin bottled water, na igwang kabilugang 92,642.
Mientrastanto, tanganing suportaran man an long-term recovery an project development officers gikan sa Sustainable Livelihood Program nagkundusir nin on-site assessments tanganing mabisto an potensyal na livelihood opportunities para sa limang survivors.
Sa paagi kan nasambitan ng lakdang, an DSWD-Bicol pusog an commitment tanganing makapagtao nin marekas na tabang asin panghaluyan na suporta sa mga apektadong pamilya.
Sa ngunyan, an ahensiya an padagos na nakikipag-koordinar sa mga lokal na gobierno asin iba pang organisasyon tanganing siertuhon an kasalbaduhan asin pagbuhat kan mga naapektaran kan kasulo.
