Preparado an Department of Social Welfare and Development (DSWD) sa padagos an pagdistribwer nin mga tabang sa mga labing naapektaran kan Bagyong Kristine.
Sigun ki DSWD Sec. Rex Gathalian, an nasambitan ng tabang sa mga paraoma asin mga parasisira sa Camarines Sur an pangenot sana orog na ta mahewas an danyos kan nasambitan ng bagyo sa rehiyong Bikol.
Dugang pa kan sekretaryo na isusunod ninda an gabos na naapektaran kan bagyo kun saen, nakikipag-ulay sinda lokal na gobierno na tanganing kuanon an talaan na tanganing matawan nin bastanteng ayuda asin tabang pinansyal na makakatabang tanganing makabuhat.
Mientrastanto, pinasalamatan man ni Gathalian, an mga lehislador orog na sa mga pondo na pig-aaprubaran sa saindang departamento na nagdadakol man.
Alagad sa pagdakol man soboot kan pondo kan DSWD, iyo man an pagdakol kan mga kalamidad sa nasyon.
Sa ibong na lado, nakapreparar man an DSWD sa pagtao nin tabang sa maapektaran kan Bagyong Marce.
Kun saen, igwa na nin nakaprepositioned goods sa Region 1, Region 2 asin Cordillera.
