Pinag-iingat kan Department of Trade and Industry (DTI) an publiko sa pagbakal kan mga regalo online para sa Valentine’s Day huli sa naglalangkaw na kaso kan shopping scam.
Sigun sa DTI, nagdadakol asin mas nagigin agresibo an mga dae rehistradong online seller na nagtatangro nin “love gifts” na mayong kasiertuhan sa kalidad asin proteksiyon kan parabakal.
Pigtawan-duon kan ahensiya na dapat mabakal sana sa mga lehitimong platform na igwang DTI trustmark tanganing malikayan an panloloko.
Kasabay kaini, nagpatanid man an Philippine National Police (PNP) asin Scam Watch Pilipinas sa paglaganap kan “love scams” sa social media sin dating apps.
Naikurit kan PNP an 54 kaso kan love scam kan taong-2025, 75 kan taong-2024, asin anom na kaso puon Enero hasta Pebrero ngunyan na taon.
Naggagamit soboot an mga scammer nin artificial intelligence tanganing magkriar nin pekeng ladawan, video call, asin scripted na ulayan tanganing lokohon biktima.
