Ipapautob an dugang-bawas sa mga produktong petrolyo kan mga kompanya nin langis sa nasyon epektibo saaga aldaw nin Martes, Nobyembre 5, 2024.
Sa abiso kan mga kompanya nin langis sa nasyon na pinagenotan kan Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz asin Phoenix Petroleum, mapautob sinda nin bawas presyo na P0.10 sa kada litro nin gasolina mantang dugang presyo man na P0.75 sa kada litro kan diesel asin P0.50 sa kada litro man nin kerosene na magiging epektibo saaga alas-6 nin pagkaaga.
An ipapautob na dugang-bawas presyo sa mga produktong petrolyo an kawsa sa padagos na paghiro kan presyuhan kaini sa pangkinaban na merkado.
