Pigbubusol ni Senator Erwin Tulfo an pagtatao nin dugang na tabang sa mga kakabayan kaini sa MIMAROPA region na kaibahan sa piglamasa man kan bagyong Tino.
Katakod kaini nagheras si Tulfo nin bagas asin iba pang pangangaipuhan sa poco mas o menos na 1,000 pamilya na naapektaran kan naglihis na kalamidad sa Langogan, Puerto Princesa na labing naapektaran.
Dugang pa ini sa naenot na ipigheras na pinansyal na tabang sa mga munisipalidad kan Palawan sa Roxas, Agutaya, Araceli asin Coron.
Pigsabay na man kan senador an pagdalaw sa Western Command (WESCOM) sa Palawan tanganing ipaabot an pagbubusol kaini sa Senado kan dugang na pondo para sa pagpapauswag kan imprastraktura asin maintenance kan military hospital.
Apwera digde ibubusol man ni Sen. Erwin an pagtatao nin mga programa sa rehiyon siring kan medical, financial, burial, legal assistance asin iba pa.
