Naghirit si dating Presidente Rodrigo Duterte nin interim release para sa dae binangit pang nasyon.
Sinaysay kan saiyang abogado na si Nicholas Kaufman na igwang sarong dae na binanggit na nasyon an nagpahayag na akuon an dating Presidente.
Nakabugtak sa pigsunad na petisyon ni Kaufman, na bako man na maselan an kamugtakan ni Duterte tangani mag-flight asin nasisiguro an pag atendir kaini sa mga mga pagdangog sa korte.
Nagtutubod ini na dae papasupugon ni Duterte an nasyon na mawot kumupkop sa saiya.
An dae na binanggit na nasyon, an state party sa Rome Statue na an tratado an ipigbusol sa International Criminal Court. Hurot man kan abogado kan dating Presidente na dae man nagkontra digde an prosecution.
Naglalaom sinda na maaprubaran kan ICC Pre-Trial Chamber an saindang hirit nin interim release.
Marurumdumang kan nakalihis na bulan nin Marso kan makulong an dating Presidente sa ICC Detention Center sa Scheveningen, The Hague Netherlands huli man sa crime against humanity.
