Personal na humarap si dating Presidente Rodrigo Duterte sa International Criminal Court (ICC) sa The Hague, Netherlands, para sa sarong status conference manungod sa saiyang kasong “crimes against humanity”.
Ini an pinakaenot na pampublikong pagluwas kan 81-anyos na dating lider sa laog nin labi sarong taon, poon kan siya arestuhon asin huring nahiling sa video link kan Marso 2025.
Lininaw ni Presiding Judge Joanna Korner kan ICC Trial Chamber III na inasahan kan korte an saiyang personal na presensya matapos isumite kan mga medikal na eksperto an saindang evaluation reports.
Nakasentro an pagdinig sa pagpatindog nin mga timetable para sa pagpresentar nin mga testigo, pagribayan nin ebidensya kan magkabilang lado, asin mga huring preparasyon bago an pormal na paglilitis sa Nobyembre 30, 2026.
Sa presente, kinakaharap ni Duterte an mga akusasyon manungod sa diumano’y malawakang paggadan sa irarom kan saiyang kampanya kontra ilegal na droga, poon kan siya alkalde pa kan Davao City sagkod sa saiyang pagigin presidente.
Poon kan siya arestuhon kan nakaaging taon base sa warrant kan korte, nagdanay an dating lider sa custody kan ICC, mantang padagos na iginigiit kan saiyang defense panel an saiyang legal asin medikal na mga apela.
