Pupuonan ni Alex Eala an kampaniya kaini kontra ki Alycia Parks kan Amerika sa 2026 Australian na gaganapon sa aldaw nin Domingo sa Melbourne, Australia.
Nakatalaan an first round match ninda Eala asin Parks alas-8:30 nin aga (oras sa Manila). Batak na man an makakalaban ni Eala. Presenteng ranked No. 65 si Parks alagad nakaabot in isa No.40 kan nakalihis na taong-2023.
Siring ni Eala, igwang sarong WTA title si Parks. Alagad mas hararom an eksperyensiya ni Parks sa Grand Slams huli ta anom na beses na ining nasilayan sa main draw kan Grand Slam events.
Pinakaharayong naabot ni Parks an third round sa Australian Open kan taong-2024.
Naka second round man in isa 2025 French Open asin first round sa 2025 US Open.Kun malaog sa second round si Eala, nakatalaan kaining makahampang an manggagana sa tahaw ninda 19th seed Karolina Muchova kan Czech Republic asin Jacqueline Adina Cristian kan Romania sa suhay na first-round game.
Piglalaomang dadagsaon na naman an Australian Open kan mga Pinoy fans na todo suporta para sa Pinay netter.
Dakula an naitatabang kan Pinoy supporters tanganing mas lalong ganahan si Eala sa saiyang mga kawat.
Memorable para sa ki Eala an Australian Open huli ta digde ini nagkampeon sa girls’ doubles kaibahan si Priska Nugroho kan Indonesia kan nakalihis na 2020 sa juniors division.
Makalihis an anom na taon, masabak si Ealan sa main draw kan seniors division kaya excited na ining masilayan sa aksiyon.
