NAGA CITY – Nagpakol sa 4.6% an economic growth kan rehiyong Bikol kan taong 2023 kumparar sa 8% kan taong 2022.
Sa nagin paghampang sa mga kagawad kan media ni Cynthia Perdiz, Regional Director kan Philippine Statistics Authority-Region V, sinaysay kaini na services an nagkaigwa nin pinakamarikas na growth sa 8% kumparar sa ibang industriya.
An pag-import man nin mga serbisyo gikan sa bilog na kinaban an nagkaigwa nin pinakamarikas na growth sa mga expenditure sa 58.1%.
Sigun pa digdi services man an igwa nin pinakadakulang share sa mga industriya sa 49.9%, mantang an household final expenditure man an igwa nin pinakadakulang share sa lado kan expenditure sa 104% share.
An per capita gross regional domestic product (per capita GRDP) man nagpakol sa ₱96,855, na mas halangkaw nin 3.7% gikan sa ₱93,394 per capita GRDP kan 2022.
An value data sources man na nagkontribwir soboot sa estimation kan 2023 GRDP asin Gross Regional Domestic Expenditure(GRDE) an Bangko Sentral ng Pilipinas Regional Office V, Bureau of Fisheries and Aquatic Resources(BFAR) Regional Office V, Bureau of Internal Revenue, Civil Aviation Authority of the Philippines, City Treasurer’s Office of Iriga, Legazpi City, Naga City, Sorsogon City, Commission on Audit, Commission on Higher Education Regional Office 5, asin kadakul pang iba.
