Nag-uswag an Gross Domestic Product (GDP) kan Pilipinas asin nagkurit nin paglangkaw na 5.2 percent sa ika-apat na quarter kan nakalihis na taong-2024.
Sigun sa Philippine Statistics Authority (PSA), ini gikan sa naikurit na 5.5 percent na paglangkaw sa parehong quarter kan nakalihis na taon.
Sa kabilogang taon kan 2024, an GDP an nagkurit nin paglangkaw na 5.6 percent.
Ini an orog na halangkaw sa naikurit na 5.5 percent kan nakalihis na 2023.An Gross National Income (GNI), nagkurit man nin paglangkaw na 6.2 percent sa ika-apat na quarter kan taong-2024.
Siring man, an Net Primary Income (NPl) gikan sa iba pang parte kan kinaban naglangkaw nin 14.1 percent. Sa kabilogang taon kan 2024, an GNI naglangkaw nin 7.6 percent.
Mientrastanto, an NPI naglangkaw nin 26.1 percent. Sa seasonally-adjusted national accounts, sa ika-apat na quarter kan taong-2024, an GDP nagkurit nin quarter-on-quarter na paglangkaw na 1.8 percent.Sa ibong na lado, an GNI nagkurit nin 2.5 percent quarter-on-quarter a pag-uswag sa parehas na period.
An mga primerong sektor kan ekonomiya sa Industriya asin Services nagkurit nin mga paglangkaw 4.4 percent asin 6.7 percent.
Mientrastanto, an Agriculture, forestry, asin fishing nagkurit nin pagbaba na 1.8 percent.Sa kabilogang taon kan 2024, an Industry asin Services nagrehistro nin mga paglangkaw na 5.6 percent asin 6.7 percent.
Mientrastanto, an Agriculture, forestry, asin fishing, nagkurit nin pagbaba na 1.6 percent.
