Pig-anunsyar kan Embahada kan India sa Pilipinas na puon Agosto 1, 2025 hasta Hulyo 31, 2026 pwede ng magkua an mga Pilipino nin libreng 30-aldaw na double-entry e-tourist visa pasiring India.
An aplikasyon an kaipuhang gibuhong online, na dae mababa sa 4 na aldaw antes an paghali, asin pwedeng mag-apply hasta 30 aldaw antes an planong biyahe.
An biyahe an igwang 30-aldaw na bisa puon sa enot na aldaw kan pag-abot sa India.
Kaipuhan sana na igwang valid na pasaporte kan dae mababa sa 6 na bulan an aplikanye, asin magpresentar nin return o onward ticket asin patunay na bastante na pondo.
Libre sana an visa para sa mga kategoryang ini alagad igwang bayad pa man an ibang klase kan e-visa.
An mga e-visa an dae pwedeng palawigon o baguhon asin dae man pwedeng gamiton sa mga restricted o protected areas.
Para man sa mga mawot makakua nin regular na paper visa, kaibahan an tourist visa gikan sa Embahada, kinakaipuhan pa man an pagbabayad kan visa fees.
Naenot ng pig-anunsyar ni Indian Prime Minister Narendra Modi na maabot an panahon na dae na kaipuhan pang magbayad kan mga Pilipino tanganing makakua nin tourist visa tanganing makabiyae sa India kasunod kan saiyang bilateral meeting ki Presidente Ferdinand Marcos Jr.
