Piglaoman na ni Senate Presidente Pro Tempore Jinggoy Estrada an nagin desisyon kan Sandiganbayan na ibasura an motion for reconsideration na baliktadon an pagpapawarang-sala sa saiya sa mga kasong briber asin indirect bribery.
Bagaman soboot piglaoman na ini sa Sandiganbayan, naglalaom pa man si Estrada na masurog sa saiya an korte huli sa naenot na desisyon an sinaysay kaini na mayong merito o ebidensiya an kasong direct o indirect bribery.
Pinanghahawakan man kan senador na mayong basehan an paratang sa saiya asin dae kaini ginamit an kwarta kan bayan para sa pansadiring kapakinabangan o taganing takupan an salang gibo.
Dugang pa kaini, an bindikasyon soboot an magbubunsod tanganing makapagpokus ini nin husto sa trabahong ipigtao sa saiya nin labi 15 milyong nagboto tanganing ini makatukaw sa senado.
Pigbasura man kan anti-graft court an preemptory challenge asin motion to expunge ni Estrada huli sa kawaraan nin merito.
Enot digde, pinawarang-sala kan nakalihis na Enero kan presenteng taon si Estrada sa kasong plunder katakod kan tinaguriang pork barrel scam.
Pighatulan ining convicted sa direct asin indirect bribery alagad pinawarang sala ini kan nakalihis na Agosto.
