NAGA CITY-Nag-rank 3 an alumnus kan Partido State University, Goa Camarines Sur sa kakatapos pa sanang November 2024 Geologist Computer-Based Licensure Examination.
Sa nagin entrevista kan Bombo Radyo Naga ki Cedric Dela Torre Salazar, pigsaysay kaini na dae soboot pighuhuna an siring na achievement sa saiya huli sa mayo sa plano kaini na mag take nin kursong Geology kaidto pa man sa nasambitan ng university, alagad huli sa dae na-process an application sa mawot na kursong BS Bio, pigkua na kaini an kursong Geology.
Hasta man sa makalihis nin apat na taon na pagklase, nag gradwar ini, pagkatapos nag pahingalo muna nin haros sarong bulan hasta sa nag preparar na ini para sa board exam sa laog man nin limang bulan.
Segun pa man ki Salazar, sa last semester kan ini nagkakalse pa, pig preparar na soboot sinda sa paagi kan mock board exam kaya man parte naman ito kan saindang pag review.
Tulong bulan an durasyon kan Review Center asin pigtawan sinda nin dugang na duwang bulan na sinda na sana sa.
Katakod kaini, sa saiyang pag review sa harong, minsan nag aabot soboot nin alas doseng imagahon an saiyang pag-adal, pig amin ni Salazar na dae man talaga siya nagin organized asin mas nag pokus sa mga topics kun saen nadepisilan kan ini nasa undergrad.
Labi man soboot an nagin suporta kan saiyang pamilya na iyo an pigkokosiderar kaining pinaka imporante sa gabos. An kursong Geology saro sa sakop apwera sa mga gapo iyo an dapit sa Earthquakes, Landslides, Volcanic Erruption asin mga bagyo, Disaster Risk Reduction, mining asin kadakol pang iba. Huli sa dakula an sakop kan Geology, kaya kadakol man na nga opurtunidad sa career.
Mientrastanto, nag sirbe man na pagirumdom soboot saiya an pigsasabi kan kadaklan na trabaho na an marani sa mga tapos kan nasambitan ng kurso huli sa dikit an nagte-take na mga estudyante kaini asin limitado an kaaraman kan kadakle pag abot igde.
Kaya man naglalaom si Salazar na mag abot an panahon na makatabang na man siya sa mga tawo na mapahiling an papel asin importansya kan Geology.
