NAGA CITY-Pigklaro kan kampo ni dating Negros Oriental Congressman Arnolfo Teves na nasa court custody asin dai liwat pig-arestar an dating lehislador makalihis an pansamantalang pagpapalibre igdi.
Ini an pigheras kan abogado kaini na si Atty. Ferdinand Topacio sarong aldaw makalihis na pabutason an saiyang kliyente huli sa missteps sa request kan gobyerno kan Pilipinas tangani na ma-extradite an napahaleng lehislador na sigun sa DOJ parte kan due process kan gobyerno kan Timor-Leste.
Sigun pa ki Topacio nasa holding area sana si Teves asin mayo sa karsel huli ta dai ini pig-arestar huli sa soboot nagibo kaining mga krimen sa Pilipinas.
Pigsiwalat man ni Topacio na pigpabutas an dating lehislador para sa considerable amount of time antes ibalik ini sa kustodiya.
Dugang pa ni Topacio nag-testigo ini asin an iba pang indibidwal kabali sina dating Human Rights Commissioner Wilhelm Soriano asin dating presidential spokesperson Salvador Panelo para ki Teves sa Court of Appeals (CA) kan Timor-Leste kun saen dadangugon an extradition case ni Teves.
Piglalaoman man na maipapaluwas an desisyon sa kaso antes o sa mismong Hunyo 20 sigun sa Department of Justice (DOJ).
