Piglinaw ni dating Philippine National Police (PNP) chief Benjamin Acorda Jr. na dae kaini soboot aram na wanted o pugante sa China an negosyanteng si Tony Yang kan maghilingan sinda.
Sa pagpapadagos na pagdangog kan Senado kan nakalihis na Martes Oktubre 8, katakod sa soboot kriminal na aktibidad kan mga iligal na Philippine Offshore Gaming Operators (POGOs), pigtawan duon ni Acorda na nagin propesyunal ini sa saiyang pakikitungo ki Yang, na tugang kan dating presidential economic adviser ni ex-PRRD na si Michael Yang.
Sigun digde,kan panahong soboot na idto, dae ini nakakaresiber nin anuman na impormasyon dapit sa warrant of arrest kontra ki Yang na pinaghahanap sa nasyon o magin sa China.
Sa parehas na pagdangog man, piglinaw kan retiradong heneral kun sa anong paagi soboot sinda nagkabistuhan ni Sual Mayor Dong Calugay na pigdadawit ki Alice Guo.
Enot na digde kan nakalihis na bulan sa pagdangog kan Senado, pigpahiling ni Senate Deputy Minority Leader Risa Hontiveros an mga ladawan ni Acorda kaiba si Yang asin iba pang imbwelto sa illegal POGOs.
Dugang pa kan dating opisyal, kan haputon dapit sa mga ladawan, pigsaysay ni Yang na magkabisto nang dati soboot sinda kan yaon sa Cagayan pa si Acorda.
Mientrastanto, pigpasalamatan man ni Acorda an Senate committee sa pagtatao sa saiya nin tsansa na madangog an saiyang lado katakod sa nasambitan ng isyu.
Sa ngunyan, parehas pigbisto man ninda Sen. Risa Hontiveros asin Sen. Jinggoy Estrada an nagin papel kan dating PNP chief antes ini dagusang magretiro, na nangenot sa paglansar kan case build up katakod sa mga ilegal na aktibidad sa POGO hub sa Bamban Tarlac na nagresulta sa pagkakabuyagyag kan mga ilegal na Pogo na nagooperate sa nasyon.
