Aram baya nindo mga Ka-Bombo, sarong farm sa Southampton, England an nagtaong-pugay sa yumaong rock legend na si Ozzy Osbourne sa paagi kan pagkriar nin dambuhalang mosaic gamit an mga kalabasa, na nakapagrehistro pa nin Guinness World Record.
Naggamit an Sunnyfields Farm nin ginatos na pumpkins asin squashes tangani mabilog an imahe ni Osbourne na may kabilugang sukol na 2,281 square feet. Huli digde, opisyal nindang nakua an Guinness World Record para sa titulong “largest cucurbita mosaic.”
Inatendiran mismo kan agom ni Ozzy, si Sharon Osbourne, asin kan saindang aki na si Kelly, an opisyal na pagpapahiling nin obra sa publiko.
An nasambitan ng pagbisto an pigkokonsiderar na pagselebrar kan buhay asin ambag ni Osbourne, an lead singer kan Black Sabbath, na nagadan kan Hulyo 22 sa edad na 76 anyos.
