Padagos an FBI sa pagrekisa sa harong ni Ryan Routh na iyo an nasa likod kan pagporbar na gadanon si dating presidente kan Estados Unidos na si Donald Trump.
Mawot kan FBI na makakua nin iba pang ebidencia asin an tunay na motibo kan suspetsyado.
Gamit an search warrant hale sa korte, inaaram ninda kun si Routh igwa nin ibang mga kairiba sa pagprobar na badilon an dating presidente.
An Sekretaryo kan Department of Homeland Security na si Alejandro Mayorkas nag-omaw sa Secret Service sa paggibo kan saindang trabaho nin tama asin sa pagpundo kan pagprobar na pambabadil.
Enot sa gabos, an Secret Service napapaatubang sa kritisismo huli sa ikaduwang pagprobar sa buhay ni Trump.
