Nagsapo nin minor damage an barko kan Philippine Coast Guard (PCG) na BRP Suluan kan bahagyang mahagip kan Chinese Navu warship na nagsalpok sa barko kan China Coast Guard harani sa Scarborough shoal kan nakalihis na aldaw, Agosto 11.
Ini an makalihis na mayupi an flagpole kan barko kan Pilipinas. Salbado man an gabos kan crew na sakay kan barko kan Pilipinas makalihis an insidente.
Kan mangyari an insidente nasa kasagsagan kaidto kan misyon an PCG kaibahan an Bureau of Fisheries and Aquatic Resources (BFAR) tanganing magheras nin tabang para sa mga Pilipinong parasira sa Scarborough Shoal komo parte kan Kadiwa Para sa Bagong Bayaning Mangingisda (KBBM) initiative.
Sigun ki PCG spokesperson for the WPS Commodore Jay Tarriela naghali na sa Scarborough shoal an BRP Suluan kasuodmang aga mantang nagtitinir man sa kadagatan an BRP Teresa Magbanua.
Kan nakalihis na Lunes, pighurot man ni Presidente Ferdinand Marcos Jr. na dae maatras an mga barko kan Pilipinas sa laban asin sinabing matatapang an mga Pilipino.
Pigtawan-duon man kan Presidente na piggibo kan uniformed personnel kan nasyon an saindang tungkulin asin misyon tanganing depensahan an Pilipinas asin dae soboot sinda mapundo na gibuhon ini.
