Padagos an pagbaba kan foreign reserves kan Pilipinas sa ika-duwang sunod na bulan ngunyan na taon.
Sigun sa Bangko Sentral ng Pilipinas (BSP), nagbaba pa sa $104.6 billion an gross international reserves (GIR) o nagsusukol sa kapasidad kan nasyon tanganing mabayadan an import payments asin service foreign debt gikan sa naikurit na $106.7 billion kan nakalihis na Marso.
Paliwanag kan central bank na an pagbaba kan GIR level kan Abril an primerong rason kan pagbaba kan mga depositing foreign currency kan BSP tanganing masimbagan an external debt obligations asin mabayadan an manlaen-laen na gastuhon asin an net foreign exchange operations kan BSP.
Sa ibong kaini, sinaysay kan central bank na pigpapahiling kan bagong GIR an makusog na external liquidity buffer na katampad kan 7.2 months na kantidad kan import of goods, payments kan mga serbisyo asin primary income siring kan mga pigkikita kan overseas Filipino workers (OFWs) asin kita gikan sa mga pamumuhunan kan Pilipinas sa ibang nasyon.
Nahihiling an GIR na bastante kun kaya matustusan an tolong bulan na kantidad kan import of goods kan nasyon, payments of services asin primary income.
