Naga City- Pormal nang pig-anunsyar asin pigpabisto ni Former VP Leni Robredo an saiyang bilog na line up sa Team Naga.
Sa paghampang kaini sa mga kagawad kan Media, pigsaysay kaini na haros sarong bulan na konsultasyon an saindang ginibo kun sain may duwa ining kategorya, an Barangay consultation asin sectoral consultation.
Sigun ki Atty. Leni sa saindang barangay consultation nasa 1,479 an nagin partisipantes kun sain ini pigbibilog kan mga barangay officials, brgy. personnel asin iba pa. Mantang an sektrokal consultation man an may 95 na partisipantes na naghali sa manlaing-laing sektor, kaibahan an academ na may 65 na participantes, consumers good na may 6 na partisipantes, human family and children na may 41 na partisipantes, mga organisasyon na inorganisa kan syudad na nasa 118 partisipantes, cvic organization na may 40 partisipantes asin iba pa na may kabilugang nasa 2,704 partisipantes.
Mientrastanto sa pamamayo kaini, pig pangaranan naman ni Robredo an biloog na team Naga, sinda Vice Mayor Gabriel Bordado Jr, asin mga councilor na sinda Elmer S. Baldemoro, Councilor Doc Doc Jess Albeus, Councilor Gayle Abonal, Frank Mendoza, Atty. AReiz Macaraig, Butch Borja, Atty. Miles Mila Raquid Arroyo, Councilor Omar Buenafe, Councilor Joe Perez, Councilor Oying Rosales.
Sa ngunian, dakulang onra man soboot saiya na maipresenta an saiyang kalinyada huli ta dakula soboot an saiyang pagtubod na an saindang pag iribahan sa lambang saro mayong sayang sa kapasidad na maikukuntrebwir sa pagpaparakhay kan ciudad kan Naga.
