NAGA CITY- Naglangkaw an numero kan mga basurang nakokolektar sa siyudad nin Naga.
Sa entrevista kan Bombo Radyo Naga ki Engr Joel Martin, Head kan Solid Waste Management Office, pigsaysay kaini na gikan sa 94 tons na basura, sa presente an nasa 130 tons na kada aldaw an garbage generation sa siyudad. Huli digdi, kaipohan soboot kan saindang opisina nin dugang na resources nin huli ta enkaso dakol an nag-aapon nin basura, dakol man an pangangaipo kan garbage collector.
Mientrastanto, sa presente man apat sa saindang dumptruck an raot asin igwa pa nin problema sa saindang maintenance kun kaya kaipohan nindang mag-augment.
Sa ibong kaini, nasa ikalimang taon naman na nag-ooperar an saindang opisina kun saen, 50% pa sana alagad, an pinaka epektibo man na saindang pigsasagibo an Waste diversion technology.
Boot sabihon kaini, pighahali kan saindang mga personahes an 75% kan mga basura na piggagamit sa iba pang bagay na pupwede pang magamit kan mga tao. Siring na sana kan mga eco-bag, sako, tarpaulin na ibabalik sa mga tao tanganing liwat na mapakinabangan kan mga residentes asin idelay an pagdalagan kan mga basura sa sanitary landfill.
