Nagpahayag nin labing kahaditan an gobyerno kan Pilipinas huli sa matinding tensyon sa Middle East kasunod kan airstrikes kan Israel sa Iran.
An Philippine embassies sa rehiyon, nagpepreparar na tangani magpaabot nin tabang sa mga kapwa Pinoy sa saindang hurisdiksyon enkaso man maglala an sitwsyon.
Sa huring report, mayo pa man nin nareresiber nin report na igwang iridong mga Pinoy o labing mga naapektaran resulta kan operasyon.
Pinagkakarkulong igwa nin nasa 2 milyong Pinoy sa Middle East region, na kadakalan sa mga ini, an overseas Filipino workers.
Nagpahayag nin reaksyon an gobyerno kan nasyon makalihis an paglunsar kan Israel nin airstrikes na tinamaan an labi sa 100 major targets sa Iran, nagresulta sa pagkagadan kan ibang mga senior military commanders asin scientists. An nasambitan ng targets kabali an nuclear facilities asin missile sites.
