Padagos an pagkusog kan bagyong “Gorio” mantang ini an paparani sa katimugang parte kan Taiwan.
Sigun sa pinakahuring report, pigkakarkulo na nasa 160 kilometro hilaga kan Itbayat, Batanes an sentro kan bagyo.
Nghihiro ini pa kanluran sa rekas na 25 kilometro kada oras, taglay an pinakamakusog na duros na nagpapakol sa 155 kilometro kada oras harani sa tahaw kan bagyo, asin igwang pagbugso nin duros na nag-aabot man sa 215 kilometro kada oras.
Huli sa kusog kan bagyo, pigbandera na an Signal No. 2 sa Itbayat, Batanes, mantang nasa irarom kan Signal No. 1 an natatadang parte kan Batanes.
Apwera sa direktang epekto kan bagyo, pinapakusog man kaini an Southwest Monsoon o Habagat, na makawsa nin makukusog hasta sa haros bagyong bugso nin duros sa pirang parte kan hilagang Luzon.
Kabali sa mga apektadong lugar an Babuyan Islands, hilagang parte kan mainland Cagayan, sirangang parte kan Isabela, asin hilagang parte kan Ilocos Norte, orog na sa mga baybayon asin halangkaw na lugar na buyagyag sa duros.
Padagos na pig-aabisuhan an publiko na magin maglikay asin magpreparar sa posibleng pagbaha, landslide, sa mga apektadong lugar.
