Aram baya nindo mga ka-Bombo, sarong aldaw na nagpataw-pataw sa dagat na kanlungan kan mga pating sa Palau an sarong grupo kan mga diver makalihis ining malingawan na sunduon kan saindang bangka.
Basado sa local reports, nagpasiring an grupo kan divers sa Palau Shark Sanctuary, alagad sa dae pa maaraman na rason, dae ini nasundo kan dive boat.
Sa lugar kun saen ini nagpataw-pataw nin 30 oras, igwang mga pating na kaparehas kan whitetip reef shark na alagad maski dae agresibo, pwedeng mag-atake kun nakamateng peligro.
Igwang mga grey sharks asin leopard sharks man sa lugar na madalas na piglilikayan kan mga diver asin parasira.
An mga kaiba kan mga diver an nag-alerto sa Chinese Embassy kan dae makabweltada an grupo gikan sa laot.
Tulos man nagpadara nin rescuers an mga otoridad kaya nahanap asin nasalbar an grupo na dae inatake kan mga pating.
Sigun sa mga otoridad, marhay man an kamugtakan kan mga diver kan ma-rescue alagad dinara pa man ini sa ospital tanganing masuri.
