NAGA CITY – Ikinaugma kan Teachers Dignity Coalition an kasuguan ni Presidente Ferdinand Marcos Jr. ki incoming Department of Education Secretary Sonny Angara na pakusugon an pagtukdo nin historya kan nasyon.
Sigun ki Teachers Dignity Coalition president Benjo Basas, importante para sa mga aki na pag-adalan an historya kan nasyon.
Dugang pa kaini, kaipuhan na itukdo sa mga aki an mga pagkaka-sala kaidto, tanganing dai na an mga ini mautro pa.
Ipigsuhestiyon man kan grupo na magtagama nin bastanteng pondo an DepEd para sa mga libro o digital form na babasahon kan mga estudyante para sa saindang pag-aadal manungod sa historya kan Pilipinas.
