NAGA CITY- Halos nasa P200-K na halaga ng iligal na droga ang nasabat ng mga otoridad sa isinagawang buy-bust operation sa dalawang suspek sa Lucena City.
Kinilala ang mga suspek na sina Rizza Lagrazon, 32-anyos at Jaynard Avila, 30-anyos, kapwa residente ng Brgy. Ransohan sa nasabing lungsod.
Sa nakalap na impormasyon ng Bombo Radyo Naga sa Quezon Police Provincial Office (QPPO), napag-alaman na nasamsam sa nasabing suspek ang walong sachet ng pinaniniwalaang shabu na may bigat na nasa 9.5 grams.
Sa inisyal na imbestigasyon ng mga otoridad, napag-alaman na ang mga iligal na droga ay may kabuuang halaga na nasa P193,800.00.
Advertisement
Sa ngayon, nasa kustodiya na ng mga otoridad ang mga suspek para sa karampatang disposisyon.Top
Advertisement
