NAGA CITY-Pigkumpirmar kan National Disaster Risk Reduction and Management Council na nagpakol na sa haros ₱105 Million na kantidad an nagin danyos sa sektor kan agikultura huli sa pag-aalburuto kan Bulkang Kanlaon.
Sigun sa ahensya an nasambitang kantidad katampad man nin 3,947 tons kan produksyon kaini.
Pigtataya na maabot man sa kabilugang 842 ektarya nin dagang pigsasaka an naraot gikan sa Region 6 asin 7.
Bagsak man an kabuhayan kan 1,706 na mga paraoma asin parasisira sa lugar kun saen pinakadakul an apektado gikan sa Region 7 na nagpakol sa 1,571 na mga paraoma asin parasisira.
Katakod kaini 8,580 nin pamilya o katampad nin 29,839 na indibidwal an apektado kan pagsabog kan bulkan gikan sa 25 barangay.
Lampas ribo man an apektadong pamilya asin indibidwal na presenteng nagtetenir sa mga evacuation center na pigtalaga kan mga awtoridad.
Sigun sa gobyerno, nagpakol na sa 11.3 milyong piso an kantidad nin tabang na naipanao ninda sa mga naapektarang residente.
