Posibleng mailaog si dating Spokesperson Atty. Harry Roque, sa watchlist kan International Criminal Police Organization (Interpol) kun mag-isyu nin warrant of arrest an korte, sigun sa Bureau of Immigration (BI).
Paliwanag ni BI Spokesperson Dana Sandoval, na mantang igwa nin detention order an Kamara kontra ki Roque, kinakaipohan nin warrant of arrest gikan sa korte tanganing mailaog ini sa watchlist kan Interpol.
Dugang pa ni Sandoval na, alagad maski igwa nin immigration lookout bulletin kontra ki Roque, mayo pang hold departure order na ipinaluwas kontra sa saiya.
An lookout bulletin an nagpapahiwatig sana na kaipohan bantayan an mga biyahe ni Roque, mantang an hold departure order man na sulamenteng korte sana an pwedeng mag-isyu, kun saen nagbabawal sa sarong tawo na maghali nin nasyon kun mayong paenot na pagtugot gikan sa korte.
Marurumdoman, an pag-atendir ni Roque sa The Hague, Netherlands kasuarin sana an nagkawsa nin kalituhan, orog na ta igwa nin nakabinbing arrest warrant kontra sa saiya gikan sa Kamara na pagkakaigwa soboot kaini nin kinaaraman sa Philippine offshore gaming operators (POGOs).
Partikulamente na an naging ugnayan soboot kaini sa operasyon kan sarong offshore gaming hub sa Porac, Pampanga, na ni-raid kan nakalihis na taon huli sa mga ilegal na aktibidad.
Siringman, paulit-ulit na pinahimutikan ni Roque an pagigin sarong pugante asin an mga akusasyon kontra sa saiya.
