Kumpirmado kan Sydney Water na igwang dakulang fatberg na pigkakarkulong kasingdakula kan apat na bus na nakapuwesto sa sarong masakit na maabot na parte sa irarom kan Malabar wastewater treatment plant sa Australia.
An nasambitan ng fatberg, na pigbibilog kan mga naipong mantika, langis, asin grasa, an pigtutubudan na rason kan mga itom na bola na paminsan-minsang naglulutang asin napapadpad sa mga baybayon kan Sydney puon pa kan taong 2024.
Kan enot, pighuna kan mga otoridad na tar gikan sa oil spill an mga bola.
Alagad sa pagsusuri kan University of New South Wales, napag-araman na igwa ining laog na mga human feces.
Sigun ki Sydney Water managing director Darren Cleary an bara an nasa sarong inaccessible dead zone” o parte kan tunnel na dae salbadong laugon.
Pinagtutubudang an mga bolang napapadpad sa baybayon an gikan sa agos ng tubig na nag-aagi sa ibabaw kan fatberg, na nagigin rason kan pagkakabilog kan sararadit na pidaso.
