Dae pigsasarado ni Senadora Risa Hontiveros an posibilidad na magsapi sa minority bloc kan Senado na posibleng bilugon kan veteran bloc sa 20th Congress.
Marurumdumang, sinaysay ni Senador Juan Miguel Zubiri na preparado sindang pamayuhan an minorya enkaso dae manggana si Senador Tito Sotto komo Senate President.
Bukas man soboot sindang i-adopt si Hontiveros orog na ta garo na dae soboot makakaibahan kan senadora sinda senador Kiko Pangilinan asin Bam Aquino.
Paliwanag ni Hontiveros, an mga pahayag na ini an pig-iiba soboot kaini sa pagtimbang kun saen bloc ini maiba.Siring man, an saiyang pinal na desiyon soboot an mapadapit sa grupo na iibahan iyo sa pagbubukas pa kan sesyon sa Hulyo 28.
Enot nang piglinaw ni Hontiveros na mayo ining namamateang pagtataksil sa tahaw kan mga report na masapi sa majority bloc kan Senado an saiyang mga kaalyado na sinda Senators Pangilinan asin Aquino.
Aakuon man kaini an anuman na magigin desisyon kan saiyang mga kaibahan kun saen pigtawan-duon kaini na sa ibong kan gabos na ini, padagos pa man kaining papakusugon an grupo kan oposisyon.
Sa ngunyany, padagos pa man an pag-uulay ninda kaibahan sinda Senators Aquino asin Pangilinan kun ano an saindang magigin komposisyon sa Senado paglaog kan 20th Congress.
Alagad, kun ano man an magigin desisyon kan saiyang mga kaibahan, gagalangon ini kan Senadora.
