Pigtawan-duon kan Kamara na fake news asin malisyoso an mga naglalakop na impormasyon na si House Speaker Ferdinand Martin Romualdez an saro sa mga contractor na imbwelto sa mga proyekto kan gobyerno.
Nakasaysay sa HOR-Fact Check Facebook page na mayong interes, pagsasadiri asin koneksiyon si Romualdez sa anumang construction business.
Dae man soboot nagmamanehar si Romualdez, representantes asin konektado sa mga contractos na igwang kontrata sa gobyerno.
Sa suhay na post sa HOR-Fact Check Facebook page, pinahimutikan man na harani si Romualdez ki Alex Abelido na president kan Legacy construction Corporation na nagin dalan tanganing makakua ini sa flood control projects.
Pigtawan-duon sa HOR-Fact Check post na bakong personal na kabistado ni Romualdez si Abelido asin mayo man ining papel sa kompaniya na Abelido magin mga kontrata sa Department of Public Works and Highways (DPWH).
Huli digde, nag-apelar an Kamara sa publiko na magin mapagmatyag kontra sa mga sala asin malisyosong report o impormasyon huli ta an nabanggit na mga gibo-gibong istorya an parte kan mahewasang disinformation campaign tanganing rauton si Romualdez asin paluyahon an integridad kan Kamara.
