Nangapodan si House Committee on Ways and Means Chairman asin Marikina Representative Miro Quimbo nin imbestigasyon sa naglalalang mahewasang smuggling kan sigarilyo makalihis na makumpiskar an 32 trak kan soboot smuggles cigarettes na nagkakantidad nin ₱2.6 bilyon kan nakalihis na Enero 1, 2026.
Huli digde, pigsunad ni Quimbo an House Resolution na 636 kun saen pighagad an tulos na kasimbagan kan mga appropriate committees na magsagibo nin imbestigasyon in aid of legislation.
Sigun ki Quimbo, an nasabat na kargamento an katampad kan ₱875.16 milyong nawawarang buwis, asin patunay na nagtitinir na seryosong problema an iligal na kalakalan kan sigarilyo. Kan nakalihis na 2023, pigkakarkulong ₱25.5 bilyon an nalugi sa excise taxes huli sa illicit tobacco trade.
Pigtawan-duon kaini na pigpapaluya kan smuggling an sin tax reforms, pigpapababa an presyo kan sigarilyo, asin mas pigpaparekas an access kaini orog na sa mga kaakian asin nagtitios.
Obheto kan House Resolution 636 na surion an pagpapautob kan ley, koordinasyon kan mga ahensiya, asin mga padusa tanganing pakusugon an laban sa smuggling asin magsirbing basehan kan mga panibagong ley.
