Nag-abot na sa nasyon an ikatolong 8-car Electric Multiple Unit trainset na gikan pa sa Japan para sa North-South Commuter Railway Malolos-Tutuban segment .
Sa ngunyan,nagsasairarom ini sa importation process kan Bureau of Customs (BOC) asin nakatakda nang darahon sa Malanday Depot sa Valenzuela City.
Ipinahayag ni Transportation Secretary Banoy Lopez na nasa tamang dalagan an konstruksyon kan 147-kilometrong NSCR system na may 35 istasyon, na magdugtong sa Central Luzon, Metro Manila, asin Calabarzon, tanganing mapadali an pagbyahe kan mga komyuter.
Pigsierto kan ahensya na nag-agi sa masusing inspeksyon an mga trainset asin an kalidad kan mga ini tanganing masigurong ligtas asin maayos na magagamit kan mga pasahero.
Target kan Department of Transportation (DOTr) na mapoonan an partial operations kan NSCR sa rutang Valenzuela hanggang Malolos, Bulacan sa ikaapat na quarter kan 2027.
Kinakarkulong 800,000 na mga pasahero an pagseserbisyuhan kan North-South Commuter Railway (NSCR kada aldaw) pag naging fully operational na an bilog na sistema kaini.
Mapapadali man kan proyekto an oras kan pagbyahe hale sa Clark, Pampanga pasiring sa Calamba, Laguna sa duwang oras, gikan sa apat na oras na byahe.
