Pig-enkaminar ni Philippine Ambassador to the US Jose Manuel Romualdez an mga illegal Filipino immigrants sa Estados Unidos na boluntaryong maghali sa Amerika.
Ini nin huli ta sierto soboot na uutubon ni US President-elect Donald Trump an saiyang panuga na limitaran an Immigration policy kun saen tatamaan an mga ilegal na imigrante sa Amerika.
Nagpatanid si Ambassador Romualdez na siertong magkakaigwa nin dakulang crackdown operation sa Estados Unidos, oras na magtukaw na si Trump. Sinaysa ni Ambassador Romualdez na kun maghalat na ma-deport an mga illegal Filipino immigrants malabo an posibilidad na makabwelta pa sa Amerika huli ta automatic na sindang ma-blacklist.
Sa ibong na lado, enkaso man boluntaryong maghali sa Amerika an mga illegal Filipino immigrants, pwede man giraray sindang magbalik duman hasta mag-agi sa tamang proseso.
Sa ngonian, igwa nin 250,000 hasta 300,000 na mga illegal na Filipinong imigrante sa Estados Unidos.
An paninindugan ni Trump laban sa mga ilegal na imigrante iyo an nagdaog saiya sa eleksyon kontra sa bise presidente kan Estados Unidos na si Kamala Harris.
Dakul man na mga Pilipino-Amerikano an nagsuportar ki Trump, sa pagtubod na an mga polisiya na saiyang iimplementar makakapakusog kan ekonomiya kan Amerika, na an saindang mga pamilya nagreresibe nin remittances sa Pilipinas kabali sa mga benepisyaryo.
