Nagkapira sa mga indibidwal sa likod kan primerong impeachment complaint kontra ki Vice President Sara Duterte naghagad sa Korte Suprema (SC) na liwat isaalang-alang an desisyon kaini na nagdedeklarar kan mga artikulo nin impeachment na labag sa konstitusyon. Nagsunad nin motion for reconsideration ad cautelam an mga petitioner.
Nagtutubod kaya sinda na sala soboot an nagin desisyon kan Korte Suprema.
Marurumdumang, tulong impeachment complaints an pigsunad kontra ki Duterte kan nakalihis na Disyembre 2024, na gabos an konektado sa soboot salang paggamit nin confidential funds.
Ini man an ikaapat na impeachment complaint na inendorso kan mga lehislador gikan sa House of Representatives, asin dae naghaloy, inilipat sa Senado komo Articles of Impeachment.
Sa desisyon kaini, idineklarar kan Supreme Court na an Articles of Impeachment kontra ki Duterte an pinagbabawalan kan sarong taon na pamamayo sa irarom kan Article XI, Section 3(5) kan Konstitusyon.
Nagdesisyon an Korte na an sarong taon na pagbabawal an ibinibilang magpuon sa oras na an sarong impeachment complaint an na-dismiss o dae na mabubuhay.
Nagdesisyon ini na an primerong tulong reklamo an pigkokonsiderar na winakasan o na-dismiss nang inendorso kan Kamara sa ikaapat na reklamo.
Ini man an pinahimutikan kan petitioner na si Teresita Quintos Deles, na nagsabi na an Supreme Court an dating nagdesisyon na an mga reklamo an pupuonan sana kun na-defer sa House Committee on Justice.
An iba pang nagpetisyon an sinda Akbayan Representative Percival Cendaña, Eugene Gonzales, Yvonne Jereza, Alicia Murphy, asin Filomena Cinco.
Nangapudan si Claudio sa Senado na ipagpadagos man giraray an impeachment trial. Malinaw man soboot sa Konstitusyon na an Senado an may karapatan, asin pigpuonan na
