Mapadagos an impeachment trial ni Bise Presidente Sara Duterte manungod sa alegasyon nin dae maipaliwanag na yaman, magpapadagos saaga, Lunes, Setyembre 14, 2026, kun sain ilalatag kan House prosecution an saindang mga ebidensya.
Enot na susurihon an saiyang Statements of Assets, Liabilities and Net Worth (SALNs) asin an mga rekord kan mga kumpanyang igwa nin koneksyon saiya asin sa saiyang agom na si Manases “Mans” Carpio.
Pinangengenotan ninda Bicol Saro Party-list Rep. Terry L. Ridon asin Akbayan Party-list Rep. Chel Diokno an prosecution team na magpapahiling nin tulong testigo, kaiba an sarong retiradong Sandiganbayan justice.
Labi sa 1,800 na dokumento sa bangko, buwis, asin iba pang rekord pinansyal an inandam kan prosekusyon bilang parte kan ebidensya para sa Article II kan impeachment case.
Katuyuhan kan prosekusyon na surihon kun baga an mga rogaring asin transaksyon pinansyal ni Duterte nagtutugma sa saiyang idineklara na yaman asin lehitimong ginikanan nin kita.
Na-impeach si Bise Presidente Duterte kan House of Representatives kan Mayo 11 sa botong 257-25, bago ipinadara sa Senado an Articles of Impeachment.
