Piglinaw ni Senator asin incoming Education Secretary Sonny Angara na mayo pa ining pigbutasan na promesa na isasakat sa ₱50,000 an sweldo kan entry level teachers sa mga pampublikong eskwelahan.
Sigun ki Angara, dae realistic o makatotohanan an ₱50,000 na sweldo para sa mga bagong laog na paratukdo na sa presente an nagrereseber nin nasa ₱27,000 kada bulan.
Dugang pa kan opisyal, pinag-aadalan kan gobierno ngunyan an paglangkaw nin sweldo sa mga masunod na taon alagad mayo pa ining pigsasambit na kantedad kan ilalangkaw nin sweldo kan mga paratukdo.
Paliwanag ni Angara, ssuportado kaini an dugang na sweldo kan mga paratukdo asin ini an pinag-aadalan kan Department of Budget and Management (DBM), Department of Finance asin Office of the President.
Nakakasierto man an bagong sekretaryo na mangyayari ini sa irarom kan Marcos administration.
