Naglangkaw an foreign debt kan administrasyon ni Presidente Ferdinand Marcos Jr, nin dakula sa enot na duwang bulan kan taon, segun sa Bureau of the Treasury (BTr).
Basado sa pinakahuring datus, uminabot sa P887 bilyon an total na inutang kan gobyerno kan Pebrero — mas halangkaw pa sa P552.7 bilyon sa kaparehong peryodo kan nakaaging taon.
Sa administrasyon ni Marcos Jr., pinaboran an domestic borrowing na uminabot sa P684.3 bilyones — labing doble sa P293 bilyones kan nakaaging taon.
An dakulang parte kaini hale sa mga treasury bond asin treasury bills. Huli kaini, an kadaklan kan utang kan gobyerno hale ngonyan sa laog kan nasyon.
Mientrastanto, nagbaba an pag-utang sa abroad, nag-abot sana sa P202.7 billion — mas hababa kumpara kan nakaaging taon.
Huli sa paglangkaw kan nasyon, an utang sa laog kan nasyon uminabot sa 77.1% kan total na mga pautang—na nakalinya sa target kan gobyerno na 77% na pagpinansya sa laog kan nasyon.
Ini nagpapahiling na mas gusto ngonian kan gobyerno na mangutang sa lokal na merkado tanganing masimbagan an pangangaipo kaini sa pagpondo.
Sa kagabsan, dawa ngani padagos na nagdadakula an pangutang, nagsusunod pa man giraray an gobyerno sa saiyang target na an mas dakulang porsyon kan utang dapat hale sa laog kan nasyon kisa sa utang sa ibang nasyon.
