Ipinagbisto na kan Judicial and Bar Council (JBC), sa paagi kan Korte Suprema, an listahan kan mga kandidato para sa posisyon nin Chief Justice kan Kataas-taasang Hukuman
Segun sa ipinublikar na listahan kan nasambit na konseho, igwa nin limang kandidato na gustong magin sunod na punong mahistrado.
Kaiba digdi iyo sinda, Senior Associate Justice Marvic Leonen, Associate Justice Alfredo Benjamin Caguioa, Assiociate Justice Rodil Zalameda
Associate Justice Japar Dimaampao, Associate Justice Jose Midas Marquez.
Apwera sa listahan kan mga kandidato, ipinublikar na man kan Judicial and Bar Council an iskedyul kan mangyayaring ‘public interviews’.
Ini gigibuhon sa maabot na Oktubre 22, asin Oktubre 26 kan ngunyan na taon 2026.
An anunsyo kan JBC nakabase sa pagretiro ni Supreme Court Chief Justice Alexander Gesmundo sa maabot na ika-6 kan Nobyembre.
Kun mangyari man, an sunod na maitatalagang punong mahistrado iyo an magigin ika-28 ‘chief justice’ na maluklok sa pinakahalangkaw na posisyon kan Korte Suprema.
