Padagos an pagbomba nin mga missile kan Iran sa manlaen-laeng parte kan Israel.
Pigtamaan an pira na nagkawsa nin mga pagsabog, kabali na an parte kan Tel Aviv asin man Jerusalem. Sigun sa Iran, ini an nagin lakdang ninda kan saindang pagbalos sa ginibong pag atake kan Israel.
Naulangan man kan Israel an pira sa mga rockets gamit an saindang Iron Dome. Pig orgulyo man kan Iran na natamaan ninda an pira sa mga military sites kan Israel.
Ikanaanggot man ni Israeli Defense Minister Israel Katz an ginibong pag atake kan Iran ta nadamay na an mga sibilyan.
Marurumduman sa ginibong pag-atake kan Israel sa Iran an pagkagadan kan mga haralangkaw na lideres siring ninda Gen. Hossein Salami, commander-in-chief kan Iran’s Revolutionary Guard, asin si Maj. Gen. Mohammad Bagheri, halangkaw na military official kan Iran.
Inaakusaran kan Israel an Iran na saindang pigsasaayos an nuclear programme kaini na tulos man na pigpahimutikan ninda.
